Shillong, Lber 16: Ka Meghalaya BJP Kissan Morcha, ba la ialam da u bah Ralden Bryan Shabong bad u bah Durut Majaw, ki la pynlong iaka Jingai Jinghikai ha kaba ia ei bad ka rep kaba katkum kane ka juk kaba mynta ha shnong Markasa.
Ha kane ka Jingai Jinghikai, la ai sngewbha bad Sam iaki Symbai Jhur bad ki tiar kynshait sha ki nongrep bad ia kane ka Jinghikai la pynlong khnang bn pyni, hikai, btin Lynti bad Pyntbit iaki iaka rukom rep jong ka juk ba mynta.
Kane kan iarap bad pynmih bun ki Jingseisoh ba bun shah, ba Pynduna ruh iaka jingduhnong bad Jinglehnohei bad Pynioh nong kham bun ha ka liang ka rep ka riang jong kane ka shnong. Ia kane ka Jingai Jinghikai la pynlong ha ryngkat ka Jingiphuh iphieng da ka jingiatreilang bad ka Central Government Institute and Agriculture Scientists
Ryngkat bad kane ka Jingai Jinghikai, la shim ruh iaki Jingai Jingmut naki Nongshong Shnong kane ka thaiñ ia ka rukom synshar khadar kaba dei ruh ka mat Treikam jong ka seng BJP kaba ju thmu ban lum ban wad bniah iaki lad ki Lynti na baroh ki bynta jong ka ri India ban pynmih ki rukom Treikam rukom pyniaid kam ba pynhun iaka Jingkwah bad Jingkhmih lynti jong ki paid Nongshong Shnong.
Ha shwa jong kane ka Jingai Jinghikai ka Meghalaya BJP Kissan Morcha ka la pynlong iaka Health Camp ne Jingai Jingsumar ei na ka bynta ki khynnah ba hapoh 15 snem ha Umsaw bad la sam iaki khusnam jingjop sha ki Nongjop, la sam ruh iaki sopti phong lehkai bol ne ki jersey bad la don ruh ka jingiabam iadih sha sngewbha hadien ba lah wai ka jingia kynjat bol.
La dei ruh ban bynrap ba kane ka jingialang la kyrshan ruh daka C.R.Projects bad Suraksha Medical Team. U bah Shabong i la ong, ” Kine ki Jingpynlong bad Jingai Jinghikai jongngi ki long kum shi bynta kat kum ka mat Treikam jong u Myntri Rangbah Duh jong ngi uba iai trei shitrhem na ka bynta ka Jingiaid shaphrang ka kam jong ki Nongrep ha kylleng ka ri India.
