Shillong, Risaw 10: Ki nongtrei kontrak jong ka MeECL hapoh jong ka lama MeECL Progressive Workers Union (MPWU) kila sdang mynta ka sngi ia ka jingiakhih kaba shi kynta ban bteng haduh ka sngi thohdieng ban pynpaw ia ka jingdawa ba ka MeECL ka dei ban ithuh noh ia ki nongtrei bala trei slem kum ki nongtrei ba pura.
Ka kong Anjelina Hynniewta general secretary ka seng kala ong ba ha kine ki sngi kila sangeh ia ka jingiakhih jong ki nama ba ka don noh ia kane ka jingleh niam puja bad mynta kane ka jingleh naim kala kut bad ki sdang biang ia kane ka jingiakhih shikynta ha kapor bam ja ha khmat ophis jong ka Power House kaba don ha pyrshah ka secretariat.
La iathuh ba ha ka 17th /Risaw /2022 kata ha ka sngi nyngkong ban wan baroh ki nongtrei kontrah ka MeECL na kane ka jylla Meghalaya kin shim shuti lut haka tei ka sngi ba kin ioh ban ia shim bynta ha ka jingiaid paidbah na Lumjignshai ka ophis treikam kaba ha khlieh duh sha ophis jong ka Power House sha Secretariat.
La ong ba lada ka sorkar kam sngap ia kane ka jingdawa ha dien ka jingiaid paidbah kin sa shim da kiwei ki lat jingiakhih ia kaba kim pat lah ban iathuh lypa mynta, ka jingiaid paidbah ban long ha ka 17/10/2022 kan long da baroh ki nongtrei kontrak ka MeECL kiba don ha kane ka jylla Meghalya.
U bah Arju Dkhar u wei na ki nongkit kam ha ka seng ki ophisar ka MeECL la ong ba kane ka jingiakren ban ithuh noh ia ki nongtrei kontrak kum ki nongtrei ba pura ka long naduh u snem 2018 bad ha katei ka jingiakren la thoh ha ka jingiakren ba kito kiba la trei 15 snem yn ithuh noh ia ki kum ki nongtrei ba pura ka MeECL.
Bah Dkhar la ong ba ki nongtrei kontrak ki don 1700 ngut tam bad kane ka jigniakhuh kan kynthup ruh ia ki Home Guard, kane ka jigniakren ruh kala shujah, halor ka jingong ba dang hap ban peit ia ki kydon ain, kane ka dei ka jingai daw, lada ka don ka mon ka sorkar ka leh ban leh.
Haba ia dei bad ka jnglut jignsep la ong ba kan nym ktah palat namar ka jingithuh kum ki nongtrei ba pura kamd ei ha ka juh ka por hynrei ka dei tang ia kito kiba la kynjoh sha ka 15 snem. La ong ba ka jingduhnong jong ka MeECL ka dei namar ba ia ka bor ding kaba ki thied ha ka jaka ban phah sha ki jaka ban ioh nong la phah sha ki jaka ban duhnong.
