Shillong,Nailur 05: U Deputy Commissioner, West Jaintia Hills District, u kwah ban pynsngewthuh ia ki paidbah, khamtam eh ia ki ba shong ba sah ha sor Jowai ba ki don ia ka hok ba kin pynher ia ka lama lai rong jong ka ri “National Flag” baroh shisnem lynter ha dien ka 15 tarik mynta u bnai.
Ia kane ka hok la ai ha dien ba ka iing bishar kaba ha khliehduh jong ka Ri India kala pynbna ba ban pynher ia ka lama jong ka ri ka dei ka hok jong u paidbah katkum ka kyndon ba 19 jong ka Riti synshar jong ka Ri bad ka jingpynher ka dei ban long da kaba don burom hapoh ki kyndon jng ka “Flag Code jong ka Ri 2002”.
La ong ruh ia ki paidbah ba kino kino kiba kwah ban pynher ia ka lama jong ka ri ka don ka dukan ha Jowai ha kaba ki lah ban ioh ha ka dork aba duna, la kyrpad ia ki paidbah ban ia shnoh kti lang bad ki bor jong ka District Administration ban ia pynher ia ka lam jong ka ri ha baroh kit nun iing ban pynlong ia ka Jowai ka “Model Town” ha ka 15 tarik mynta u bnai.
