Shillong, Iaiong 27: U Myntri Rangbah ka jylla Meghalaya u Conrad K Sangma mynta ka sngi u la kren shai ba ki party kiba don lang ha ka sorkar Meghalaya Democratic Alliance (MDA) kim shym ujor ei ei ha kaba ia dei bad ka sorkular kaba la ia soi bad ka jylla Assam ha khmat u myntri kam poh iing ka sorkar pdeng u Amit Shah halor ka jingiapyn beit pud.
Haba kren ha ki lat pathai khubor mynta ka sngi u myntri rangbah la ong ba, kum ki party kiba ia donlang ha ka sorkar, kum ka UDP, PDF, HSPDP kim shym don kano kano ka jingujor namar ki ia don lang ha ka jingia soi ia ka soskular ha Delhi, na ka UDP ki don 2 ngut ki myntri kabinet, HSPDP 1, PDF 1. Ia kane ynsa pynshai sha ki party ba ia don lang ha ka sorkar.
Kiba kynthoh ki dei ki riew shimet kiba dei na ki party papher bapher, ban ong ba khlem kynjoh ktien ia ki District ka sorkar kala dep ban ia kynduh bad ki District Council, ki khlieh nongsynshar bad ki seng bhalang, ka jingong ba la shuh leh don bor kam dei kumta ia kaei kaba ki leh mynta dei ba la pynkhreh da ka sorkar u Dr. Mukul Sangma ha u snem 2011.
Mynta ka sngi u myntri rangbah u la kren shai biang ba kin nym khylli shuh ia ka soskular lada khylli biang hap ban sdang biang na sdang ia ka jingiakren bad kane kan nym lah ban poi sha ka thong, ka sorkar ka kwah ban pynbeit ia kane ka jingeh. Haba leh ia kane kan don ka jingthut bad yn nym lah ban pynhun ia baroh.
Haba ia dei bad ka jingong ban ujor sha iing bishar da ki hima na ka liang jong u myntri rangbah ka jylla la ong ba kiba kwah ban leit yn nym ong ei ei namar ka jingdon ka iing bishar ka long na ka bynta kata, ha ka synshar paidbah yn nym lah ban khang.
Haba ia dei bad ka Them Metor myntri rangbah ka jylla u la ong ba lada 50 snem ym don ba nud ban ktah ia katei ka jaka, kane ka sorkar mynta ka kwah ban weng ia kane ka jingeh da ka jingiakren ia sngewthuh jingmut ha ba ia dei bad ki jingbuh kyndon na ka liang jong u myntri rangbah la ong ba ka jingiakren kan dang iaid, ban dawa kam don jingeh, kamut pat ba ka sorkar kan shu kohnguh hap ban ia peit ia ka jingbit jingbiang na baroh ki liang.
