Shillong, Lber 24: U Director ka tnad ka koit ka khiah jong ka sorkar Meghalaya u la iathuh ba haduh mynta ka jylla kala ioh hynniew tylli ki “Thermal Scanner” ban pyndon kam ha kaba peit ia ki briew kiba ruh ba mih ha kane ka jylla,ha ki jaka kiba la buh.
La iathuh ba mynta kala kham pynsting ia ka tnad ka koit ka khiah namar ba ia ka jingrung jong mih jong ki briew na Dawki bad Dalu la khang khyrdep, ia kine la lah ban pyndon kam pat ha Bajengdoba ha Garo Hills bad Ratachera East Jiantia Hills.
Ka jingdon jong kine ki hynniew tylli ki “Thermal Scanner” kala iarap shibun ban peit bniah ia ki briew namar kaba don kam eh ka long ha Byrnihat ha Ri Bhoi District ha kaba palat ia ka 2000 ngut ki briew ha ka shisngi ki rung ki mih.
Kine ki “Thermal Scanner” kim poi shi sien poi hynrei kin dang poi shuh shuh, da ka jingdon kine kala kham pynsuk ha ki jaka ba don kam ban peit ia ki briew shuwa ba kin rung sha ka jylla.
Haba ia dei bad ka jingdon kam ia ki nongiarap, ka tnad ka koit ka khiah ka shim na ki briew jong ka Home Guard namar kine ki dei kiba la shah hikai kyrpang ban ialeh ha kaba don ki jinglyngshop jong ka mariang, kam dei ba ki shnong na ki shnong.
Kumba ka long mytna don kam shibun ki nongiarap namar, ia ki nongtrei la hap ban pyndon kam ia ki ha ki Hospital ia kane ruh ym long ban ieh la ong u Dr A War Director ka tnad ka koit ka khiah ka jylla.
