Shillong, Jymmang 22: Ka tnat Sports bad Youth Affairs jong ka sorkar jylla ha ryngkat ka jingïatreilang bad ka Meghalaya Athletics Association mynta ka sngi ka 22 traik u Jymmang 2024 ka la ïoh ban plie pyrda ïa ka State Level Inter School Athletic Meet 2024.
Ia kane ka Inter School Athletic meet la wan ban plie da u bah JJohn F Kharshiing kum u ba dei u Working President jong ka MSOA kum u kongsan ha ryngkat ka jingiadonlang u bah Finely L Pariat General Secretary MSOA kum u symbud kongsan , ki District Sports Officers jong baroh 12 tylli ki District, ki khynnah Skul bad kiwei kiwei pat.
Kane ka inter school Athletic meet yn ioh ban pynlong ha ki saw sngi lynter kata na duh ka 22 tarik haduh ka 25 tarik u Jymmang 2024 ha poh ka SAI, STC NEHU campus.
Ha ba ai jingkren kum u kongsan na ka liang u Bah John F Kharshiing u la ong ba na ka liang ka sorkar Jylla ka dang ia leh ban pyndep noh ia ka jingshna ia ka JN Stadium ka ba ha Polo .
U Bah John F Kharshiing u la ai ka jingkhublei ia ka SAI ka ba la ai ia kane ka jak ana ka bynta ban pyndon kam ha ka ban pynlong iakane ka lympung. u la ai ruh ka jingkhublei ia ka Sports Departments ka ba la lah ban pynlong ia kane ka lympung bad khamtam ia ki officers jong ka sports ki ba la wan na kylleng jong ki district.
U bah Kharshiing u la kyntu ruh ia ki khynnah ba kim dei ban kynrandien ha ka jingim jong ki, ki dei ban pyrshang khnang ba kin sngew thuh ia ka jingdon kam ban trei shitom.
U la ongruh ba ha ka jingim kan ym don kano kano ka kam ka ba suk ka ban lah ban poi sha ka thong, kumta ngi don kam ban trei shitom ka jingtrei shitom tang na ka bynta 100% kam pat long ka ba biang hynrei ngi don kam ban kham trei shitom shu shu la kumno kumno 150% khnang ba ngih ioh ia ka jingjop.
U la ongruh ba ka jingtrei shitom tang da 100% kam pat long ka ba biang ha ka ba baro baroh ngi beh ban ioh ia kata jingjop ba 100% kumta u la kuntu ba ngi dei ban trei shiton la ka long ha ka bormet bad kumjuh ruh ha ka jingmut jingpyrkhat khnang ba ngin lah ban ioh ia ka jingjop.
U Bah Kharshiing u la ong ruh ba na ka liang ka Jylla ka dang pynbiang ia ki jaka ialeh kai ha kaba kan sa ioh ban pynlong ia ka National Games. U la ong ruh ba u ai ka jingkhublei ia ka tnad ialeh kai ka Sorkar Jylla ka ba la lah ban pynlong manla u snem ia kum kine ki lympung khnang ba kin lah ban sei ia ki khynnah ba don sap.
Ha ba phai sha ka jingdon ki ba wan ban ia shim bynta ha kane ka State Level Inter School Athletic Meet 2024 baroh ki don 809 ngut , 397 ngut ki khynnah shynrang, 412 ngut ki khynnah kynthei bad 36 ngut ki team officials na baroh ki District ka Jylla.
Kum shi bynta ban snohktilang ha ka ban rakhe ïa ka Olympic Day na ka liang jong ka Meghalaya State Olympic Association [MSOA] ka la pynbna ba kan sa pynlong ïa ka 5th Olympic Day 10k Run ha ka 22 tarik u Jylliew, 2024. La pyntip ba ka synjuk kan sdang ïa kane ka jingïakop mareh naduh ka por 6 baje mynstep naduh Polo 1st-Ground.
Haba ïakren sha ki lad pathai khubor mynta ka sngi ka 22 tarik u Jymmang 2024 na ka liang jong u Bah Finely Pariat (General Sec. ka MSOA) u la pynshai ba kane ka jingïakop mareh ka long na bynta ki shynrang bad kynthei kiba la kot 16 snem shaneng, ha kaba ka kyrdan ka kynthuplamng ïa baroh, kata ka Open bad ruh na bynta kiba la 50 snem shaneng.
Ha kane ka kynti ka synjuk ka la pynkhreh ïa ka song khusnam kaba 5000 tyngka kiba wan kyrdan ba nyngkong, 3000 na bynta kyrdan ba ar bad 2000 tyngka ïa kiba wan kyrdan ba lai. Nalor kine, ka synjuk ka la pynkhreh ruh ban ai jingai sngewbha (Special prizes) ïa ki nongïashimbynta kiba la tymmen (60 snem shaneng) kiba pyndep ïa ka jingmareh.
Ka synjuk ka la pyntip ruh ba na bynta ki ban ia shim bynta ia ki phom ki lah ban pynpoi ha Ophis treikam jong ka MSOA, kaba plie naduh ka por 2 baje mynsngi haduh 6 baje janmiet lane ban phah ïa ki kyrteng bad rta lyngba ka whatapp number 9233072206.
Ha kane ka sngi ka MSOA ka la pynkhreh ruh ïa ki Free tshirt tang na bynta kito kiba poi nyngkong ha katei ka step ba dei sngi mareh ki lah ban ïoh namar mynta ka kynti ka synjuk kam shym la shim bai rung, ryngkat bad ka bam ba la pynkhreh na bynta baroh ki nongïashimbynta.
Ka lynti ban mareh ka long kumjuh kumba long ha u snem ba ladep, ban sdang na Polo stadium, 4th furlong, sha Shillong College sha Donbosco, Police Point Beathouse, firebrigate sha St Edmund, Malki, Civil Hospital, Secretariat, D C Office bad phai sha Rajbhavan Wardslake, sharum Polo bad pynkut ha Stadium. Na bynta ki jingtip ba khambñiah phi lah ban phun ha u General Sec. ka MSOA-Bah Finely L Pariat, number 9856041365.
