Shillong, Iaiong 24: U Director ka tnad ka koit ka khiah jong ka jylla u la pyntip ba u wei rangbah briew bala tip kyrteng kum u Niranjan Deb 69 snem na Lower Lumparing, Shillong u la khlad na kane ka jingpang COVID-19 ha Woodland Hospital, da ka jingkhlad jong u ne ka jingiap na ka khlam COVID-19 kala kiew sha ka 158 ngut ha Meghalaya.
U Director la iathuh ba ha ka sngi Saitjain baroh kiba la test COVID-19 positive ki long 155 ngut bad na kine ha East Khasi Hills District la test haduh 115 ngut, East Jaintia Hills 8, Ri Bhoi 11, South West Garo Hills 1, South West Khasi Hills 2, West Garo Hills 7, West Jaintia Hills 9, West khadi Hills 2, kiba dang shitom baroh ki long 1244.
Kiba la koit ha ka sngi Saitjain ka 24/4/2021 baroh ki long 148 ngut, East Khasi Hills 113, East Jaintia Hills 1, Ri Bhoi 4, West Jaintia Hills 26, West Khasi Hills 4, baroh kiba la koit baroh ki long 14384 ngut.
