Shillong, Jymmang 10: Mynta ka sngi ka Haark’s driving school kaba la pyniaid da u bha Pynhunlang Nongrum bad ka kong Evalarisha Shabong na Jaiaw Mawbynna, Shillong kila 500 tylli ki jingda khmut sha ki pulit jong ka sor shillong ba pyniaid ia ki kali, kine ki long ban sam sha ki pulit pyniaid kali kiba donha ka kam ha surok ban pynbeit ia ka leit ka wan jong ki kali.
Ia kine ki jingda khmut la ai ha u Bah N K Syiem superintendent jong ki pulit ba dei peit ia ki kam pyniaid kali ha ophis trei kam jong u. Ha ka juh ka por na ka liang jong u tei u heh pulit u la ai ia ka jingkhien ha kaba ia dei bad ka jingpynkhein jong ki nongniah kali ia ki kyndon niah kali ha kane ka District khamtam eh ha kane ka nongbah Shillong.
Ha ki saw bnai naduh u bnai Kyllalengkot haduh u bnai Iaiong 2017 kiba pynkhein ia ki kyndon da ki nongniah kali ki long haduh 6948 ngut bad ka kuna kaba ki pulit kila dain na kine ki briew kiba niah kali khlem but ia ki kyndon ain kala kot sha ka T. 24,88,330 lak tyngka.
