Shillong, Lber 16: Ka tnad ka koit ka khiah kala pyntip ba kiba dang shitom baroh ki don 64 ngut, na kitei kiba shitom kiba don ha ki Hospital ba shah sumar kane kane ka jingpang ki long 6 ngut, na kine ha East Khasi Hills 4 ngut, Ri Bhoi 1, South Garo Hills 1.
Kiba la koit na kane ka jingpang ki don 14 ngut, kiba la koit ki long na East Jaintia Hills 1, East Khasi Hills 3, North Garo Hills 1, Ri Bhoi 3, South Garo Hills 2, West Jaintia Hills 4 ngut, kiba la koit baroh haduh mynta ki long 92034 ngut.
Kiba khlad na kane ka jingpang naduh ba sdang wan kane ka khlam COVID-19 ha ka jylla ki long 1590 ngut, ka jingdon kiba khlad katkum ki District ki long East Garo Hills 7, East Jaintia Hills 37, East Khasi Hills 1074, Eastern West Khasi Hills 8, North Garo Hills 9, Ri Bhoi 97, South Garo Hills 13, South West Garo Hills 20, South West Khasi Hills 20, West Garo Hills 80, West Jaintia Hills 139, West Khasi Hills 76 ngut.
