Shillong, Nailar 20: U Myntri Rangbah ka jylla u Conrad K Sangma u la kubur ba ki don ki myntri sorkar bad ki MLA kiba la ioh ia ki message ba shah dawa pisa ha ka seng leh noh HNLC ha kaba ka tnad pulit ka dang tohkit halor kane ka jingshah dawa pisa.
Hab ia dei bad ka jingtyrwa ia kren ia suk jong ka HNLC u myntri rangbah u la ban biang kam dei ban don kano kano ka jingbuh kyndon lada ka don ka jingbuh kyndon kan long kaba eh ban iaid sha khmat ha ka jingiakren.
U Myntri rangbah u la ong ba ka sorkar ka kwah ban don ia ka jingsuk kaba neh ha kane ka jylla, la ong ba 45 sngi mynshuwa kila ia kren ia kane ka bynta bad ka tnad kampoh iing ka sorkar pdeng ha kaba la bthah ba ka HNLC ka dei ban ai biang da kawei ka shithi kaba khlem buh kyndon.
Lada ki ai ia ka shithi ba ki kwah ban ia kren ia suk khlem buh kyndon ka jingiapynbeit na ka bynta ban ia kren ia shuk kan iaid sha khmat kumba ka sorkar ka kwah ban don ia ka jingsuk namar ka sorkar ka kwah ban don kane ka jingiakren ia suk.
