Shillong, Iaiong 06: U myntri ka tand pynroi sor u Bah Ronnie V Lyngdoh mynta ka sngi u la kular ia ki dkhot jong ka seng KSU ba uns a peit bniah ba kumno la ai ia kane ka jaka sha ka sorkar jong ka jylla Nagaland kaba don ha pyrshah bad ka North Eastern Indira Gandhi Regional Institute of Health and Medical Science (NEIGRIHMS).
U Bah Lambokstarwell Marngar president president ka seng KSU, haba kren ha ki nongthoh khubor ha dien ka jingiakynduh ia u myntri kam pyntoi sor u la ong ba ka seng kala dep ban ujor ia kane ka jingai jaka na duh u Bah Rymphang bad kane ka jingwan ia kynduh ka long ban wan wat jingtip aiu ka sorkar kala leh halor kane. Na ka liang jong ka KSU kala ong ia u myntri ba u dei ban leh kloi noh ia kane ka kam.
La iathuh ba ha kane ka jingiakynduh na ka liang jong u myntri u la ong ba na ka liang jong u myntri u la kular ha ki dkhot jong ka seng KSU ba un sa peit bniah ha kaba ia dei bad kane ka kam namar ba la iati ia kane ka jaka ha ka por bay m pat dei u myntri sorkar.
Naka liang jong ki nongialam jong ka seng KSU kila ong ba ia kane ka jaka la aiti sha ka sorkar jong ka jylla Nagaland, ha ka por ba ka kong Ampareen Lyngdoh ka long ka myntri kam pynroi sor. Ha ka juh ka por ka seng ka kren shai ba kim pyrshah ia kane ka jingai jaka ia ka sorkar Nagaland hynrei kaba kongsan ka long ban pyrkhat shuwa ia ki briew jong ka jylla.
Ha ka jingshisha ka sorkar ka la dei ban tei noh ia ka iing basa ha kane ka jaka na ka bynta ka jingmyntoi jong ki paidbah kane ka jylla namar bun bah ki briew na kylleng jong ka jylla ki leit ban shah sumar ha katei ka hospital ha kaba kim don jaka sah. Ha ka juh ka por ka seng ka pynrem jur ia ka jingbeh jong ka sorkar ia ki nongdie jingdie ha katei ka jaka kiba dei ki briew jong ka jylla bad ia kane ka jaka ai pat sha wei.
