Shillong, Naiwieng 02: U Ambrose Ch Marak uba dei u Director Of Schools , Education and Literacy u la kular bad pynthikn
a ban plie noh iaka Domiasiat Government L.P School ha shnong Domiasiat, South West Khasi Hills District ha u snem 2021. Ia kane u la pynsngew haka jingleit iakynduh jongka KSU South West Khasi Hills naduh mynhaka 28. 10.2020 ha ophis treikam jong u ha Shillong.
Kum ban shu pynkynmaw kane ka skul sorkar ha shnong Domiasiat la pynduh noh haka snem 2007 daki bor sorkar hadien ba kane ka shnong ka la pynpaw paitbah ba ka kyntait iaka jingtyrwa jongka Uranium Corporation of India Ltd. Ban shah na ka bynta ban tih uranium hapoh ka dong ka thain.
Hadien ba la pynduh naka liang ka sorkar ka la transfer noh ia ki nonghikai baroh arngut sha kiwei ki skul. Kane ka jingshah pynduh noh jong kane ka skul ka la buh jingeh iaki nongshong shnong jong kane ka thain naba ki la hap ban phah skul noh iaki khun jongki sha ki jaka ba jngai kumba 10 kms na ka shnong jongki.
Iaka kynhun jong ka seng ha kane ka jingiakynduh la ialam da u samla Forwardman Nongrem President KSU South West Khasi Hills District nad kiwei ki dkhot haka jingiasynranlang jong u samla Raymond Kharjana Education Secretary KSU bad u samla Iashan Mukhim Asst. Organising Secretary KSU na ka Sengkmie.
Ha kane ka jingleit iakynduh ka seng ka la ban jur ba dei ban maramot noh mardor ia ka ingskul ba la jot rathai ha kane ka shnong mynta bad ban wanrah biang ruh ia ki posts Asst.
Ia ki nonghikai bala phah shawei shawei ha kaba na ka liang jong u Director u la kular ban pynthikna ban shimkhia halor kane ka mat khnang ba ka skul kan ioh ban plie noh ha snem ba thymmai. Kane ka dei ka kyrwoh na u samla Ioanis Hahshah , Education Secretary KSU South West Khasi Hills District
