Shillong, Naitung 15: Ka JACSO kaba dei na South West Khasi Hills District kala phah da ka jingthoh sha u myntri rangbah ka jylla u Dr Mukul Sangma ban pynkynmaw ia u ba ha ka sngi ba plié ia kane ka District u la ong” kular ia nga ba phin pynmih ia ki samla pule kiba kynsai na kane ka college, bad nga ngan sa ‘provincialized’ ia kane ka college” kam ka JACSO
Halor kane ka jingkular jong u myntri rangbah u Dr Mukul lai snem mynshuwa ka JACSO, mynta ka thoh sha u myntri rangbah ka jylla ba u dei ban pynurlong noh ia kane ka jingkular jong u kaba u la dep khlem ha khmat jong ki paidbah, la ong ba kane ka jingkren jong u ha katei ka por kala ktik ia ka jingmut jingpyrkhat jong ki samla pule.
Kane ka jingkren kala ai mynsiem haduh katta katta ha kaba bun na ki samla kila wan sha khmat ha ki eksamin bapher bapher. Na ka liang jong Director Higher bad Technical jong ka tand pule puthi jong ka sorkar la dep thoh sha u principal jong ka College ban weng noh i aka Class XII.
Halor jong kane ka JACSO, ka dawa na ka sorkar ba ka dei ban provincialized noh ia kane ka college, na ka liang jong ka JACSO ka kyntu ia u myntri rangbah ka jylla u ba un sngap ia kane ka jingdawa jong ka sorkar khnang ba kane ka college kan khring ia ki samla pule na kiwei ki district bat ruh kum juh ia kiba na shabar jong ka jylla.
