Shillong, Nohprah 08: Ha ka jingiakynduh lang ka seng Hynniewtrep People Front (HPF) bad u Syiem ka raid 
Tyrso bad ki rangbah shnong ka ka thain khappud kiba hap ha Ri Bhoi District kala don ka jingiaia mir jingmut bad ha ka jingiaiakren, u Syiem ka Riad bad ki rangbah shnong kila ai ia ka jingmynjur ban nym ai NOC pathar shuh.
Ha kane ka jingiakynduhlang la pynskhem ruh ia ki nongkit kam ka shnat jong ka seng HPF ha Tyrso ha kaba u bah Iaspher Mawlong u la shah jied kum u President ka seng, bah Colitshin shadapkum u Vice President , bah panbor rani kum u General Secretary bad kiwei kiwei ki nongkit kam la pynskhem lang ha katei ka sngi.
Na ka liang ka Seng ka pynpaw ka jing sngew kmen haba ia dei bad ka jingioh jingmynjur naki rangbah shnong u Syiem ha ka jing ialang ba la pynlong daka seng ban nym ai NOC pathar shuh sha ki bar jylla kum shi bynta ban teh lakam ia ka jingwan rung pathar ki briew ban a bar hapoh ka jylla.
Ka seng ka pynpaw lada u CEM um lah ban maham lane shim khia ban maham, ka seng hi da lade kan shim khia hi ban pynbor lane kyntu ia ki rangbah shnong ki sordar ki daloi ki syiem ban khang noh ka ai NOC sha ki bar jylla hangne hapoh ka jylla .
Ha kane ka jingpynskhem ia ka shnat HPF ha Tyrso la don lang u president ka seng kmie u bah Gordon khongsit bad u Apbor Nongrum president Ri Bhoi District lem bad ki dkhot ba thymmai ka shnat Tyrso. Ha kane ka sngi kala don ruh ka jingpynlait dohkha ha ka wam Uniam, Ri Bhoi District.
