Shillong, Iaiong 02: Ki shipai BSF kila trei bor bah ban iakhun pyrshah ia ki kam khaii beain ha khappud bad ka Bangladesh, ki shipai BSF kila ioh ban kurup 210 tylli ki Phensedyl na South Garo Hills District.
Kane ka dawai Phensedyl ka dei ka dawai kaba la khang pyrshah bad ka jingiakhaii beain ia kane ka dawai sha Bangladesh ka jur bha na India sha Bangladesh dei na kane ka daw ba ki BSF ki ia khun pyrshah ia kane ka jingleh beain.
Ka jingpyndon kam ia kane ka Dawai sha Bangladesh ka long ki pyndon kam ia ka kum ka jingdih buaid ha ka jaka jong ka kyiad bad na ka liang jong ka Ri Bangladesh kala khang pyrshah ban pyndon kam ia kane ka dawai.
Na ka liang jong ki shipai BSF ha kine ki lai bnai mynta kila ioh ban kurup haduh 1300 tylli ki bilor dawai phensedyl katba dang pyrshang ban shallan sha Bangladesh na India ki BSF ki peitngor bha ba ki kam beain ha khappud kim dei ban ioh lat.
