Shillong, Lber 09: Mynta ka sngi dang step phyrngap la ioh ban kurup drok 92.42 gram da ki pulit jong ka Byrnihat kiba hap hapoh jong ka Ri Bhoi District, bad ki pulit kila ioh ban kem nynkong ia u Kaisikamo ia kaba kila ioh ia ka jingtip ba u la wan rah na Dimapur.
Ki pulit jong ka Ri Bhoi District kiba dei peit kyrpang ban ia khun pyrshah ia kane ka kam khaii drok bad ki pulit jong ka Byrnihat kila leit ban khynra ia ka iing jong u Kaisikamo bad kila ioh ban kurup phra tylli ki synduk sabon kiba la thep ia u kynja powder ban stem.
Haba ki pulit kila leh ia ka jingtest la shem ba u dei u drok Heroin bad ka jingkhia jong u kala kot sha ka 92.42 gram, ha dien kane ka jingioh kem ia u tei u briew la phla ba ia u ne u drok thmu ban leit ai sha u Tilak Rai ha Shillong.
Halor kane la pynlong ia ka jingkhynra lang da ki pulit jong ka Ri Bhoi bad jong ka Rynjah Police Station, kila ioh ban rah sa u Tilak Rai ba thmu ban shim ia u tei u drok bad ia ka briew kaba kila suba ba dei ka nongbei pisa ka R. Gracy Harveinai, na ki la ioh ban kurup ka pisa T.1,04,000/- tyngka. Ki pulit kila ioh ban kurup ruh 3 tylli ki Mobile Phone.
