Shillong, Lber 20: Mynta ka sngi ki pulit ANFT, mar ia ioh ia ka jingtip ba ki don ki briew na Happy Valley kiba la suba ba ki don ia ki jingdih ba sniew bad ki, ki puit kila leit brand brand sha katei ka jaka ha kaba kila ioh ban bat ia kawei ka Sumo kaba don ia u number ML-05-N-0515.
Ha kane ka kali ki pulit kila ioh ban bat ia u Joshua Khiangte 36 snem bad ia u Joel baroh ki dei na ka jylla Tripura bad haba la talasi ia ki pla jong ki la lap 11 tylli ki synduk sabon bad haba la plie la shem ba dei u drok.
Haba la thep ia kine ki 11 tylli ki synduk sabon la shem ba u drok bala ioh ban kurup u shongdor haduh 139.98 gram, kiwei ki tiar kiba la ioh ban kurup dei kawei ka Aadhaar Kard, kawei pan Kard, kawei ka Mobile phone.
La kem ia kine ki briew hapoh ka kyndon jong ka ain NDPS Act bad ka jingtohkit ka dang iaid ban lap shuh shuh ia kiba don kti ha kane ka kam khaii beain, na ka liang jong ki pulit ki long kiba peitngor ban pynthikna ba ki nongkhaii beain kin nym lait na ka kti jong ka ain.
