Maligaon, Lber 24: Ki pulit ba dei peit ia ki rel kiba la tip kum ki Railway Protection Force (RPF) ha ki saw sngi lynter kila ioh ban kurup haduh 167 kilo u Ganja bad u shnongdor haduh T.16.7 lak tyngka.
Kine ki Ganja kiba la ioh ban kurup dei na Railway Station jong ka Agartala, Dimapur, Bagdogra, Rangiyaand Kishanganj, ha ka juh ka por ki pulit RPF kila ioh ban kem 17 ngut ki briew kiba suba don kti ha kane kam khaii beain, ia kine kiba shah kem la aiti sha ki pulit ban leh ia kaba don kam.
Ka jingioh kurup ki RPF ia ki ganja kiba la rah sha Railway Station ka long na ka jingtalasi jong ki na ka por sha ka por ia kaba ki shan khmat bad haba bun sien ki ioh ban kem ia kine ki nongkhaii beain.
Ki pulit jong ka RPF kila buh ia ka thnong ba kin trei shitom ban ia khun pyrshah ia kine ki jngdih ba sniew kiba pynjot ia ki nongshong shnong ka Ri India bad ban pynlait ia ka Ri na kum kine ki jingdih buaid.
