Shillong, Jylliew 04: Ki shipai BSF mynta ka sngi kila ioh ban kurup ia kawei ka kali pic-up na jan shnong Umsyiem na jan khappud bad ka Bangladesh katba ka dang mut ban pynhap ia ki masi ban phah sha Bangladesh baroh ki masi kiba la ioh ban kurup ki don hynniew tylli.
Na ka liang jong ki BSF ki kam ba kine ki hynniew tylli ki masi ki shongdor shilak tyngka, ha kine ki sngi ki BSF kila ioh ruh ban kurup 10 tylli ki masi na Iew thymmai kine ki ar tylli ki jaka ki hap hapoh jong ka East KHasi Hills District. Kine ki jingiakhaii masi baroh ki jia na ki jaka kiba khlem pat ker ksainar shiah.
Na ka liang jong ki BSF kila kham pynjur shuh shuh ka jingpahara namar ka ID kala jan wan bad ka jingiakhaii masi sha Bangladesh kan dang kham jur ha kine ki sngi. Ha kine ki shitaiew ki BSF kila ioh ban kurrup haduh 317 tylli ki masi bad ka dor ka la kot sha ka 40 lak tyngka.
