Shillong, Lber 12: Mynta ka sngi ha ka jingiatreilang ki pulit jong ka East Khasi Hills District bad jong ka Ri Bhoi kila ioh ban bat ia kwei ka kali Bolero Picup kaba don ia u number ML-12-3243 bad na kane ka kali la ioh ban kurup ki tiar pynbethei.
Ki tiar pynbethei kiba la ioh ban kurup ki long 15 tylli ki Gelatin Stick, 167 tylli ki nar ba nep, u wei u wire Safety Fuse, lai tylli ki ki byndei ki tiar pynbethei, ka kali bad san tylli ki mobile na ki saw ngut ki briew kiba la ioh ban kem.
Kiba la ioh ban kem la tip kyrteng kum u Damanbha Ripnar bala tip kum u Shall Lapang, u Robinis Ripnar, u Jil Tariang bad u Shainng Nongrum baroh kine la kynnoh ba ki dei ki nongshong shnong hapoh Ri Bhoi District.
Ki pulit kila kam ba kane ka jingioh kem ia kine ki briew ka long ba ki la lah ban pynpulom ia kawei pat ka jingthmu ban pynbethei bom da ka seng HNLC, ki pulit kila ioh ban bat ia ktei ka kali ha Umsning ha lat ban leit sha Mawhati ha ka por 6.00 baje jan miet ha ka 11/3/2024 kaba la niah da u Damanbha Ripnar.
Na kane ka kali ki pulit kila ioh ban kurup ia kitei ki tiar pynbethei ban shna IED, ia ka jingthoh kit baroh la wan da ki Bomb squad na Shillong ban leh ia kaba don kam baroh katkum ki kyndon ain.
Na ka liang jong ki pulit kila ong ba haduh ba ki phah ia kane ka kyroh la ong ba ka don kawei ka kynhun kaba la tip kum ka “Sleeper Cell” jong ka HNLC kaba don ka jingthmu ban pynbethei bom ha Shillong bad Nongpoh, la kynnoh ba kine ki ba leh ia kine ki kam kila ioh ia ka jingbthah na Bangladesh.
