Shillong, Lber 25: Mynta ka sngi u National President ka party National People’s Party u Conrad K Sangma ba dei u myntri rangbah ka jylla Meghalaya u la leit sha Nagaland ban ia kynduh ia u Neiphiu Rio myntri rangbah katei ka jylla ban ia kren halor ka MP Elekshon ha katei ka jylla.
Ha kane ka jingiakynduh na ka liang jong u National President ka NPP u Conrad K Sangma u la pynbna ba ka party kan ai ka jingkyrshan ia ka Nationalist Democratic Progressive Party (NDPP) ha kane ka MP Elekshon hapoh katei ka jylla.
Kum ki dkhot jong ka National Democratic Alliance (NDA) ka NPP kala shim ia ka rai ban ai ka jingkyrshan kaba pura ia u kyrtong ka NDPP u Dr.Chumben Murry bala pynieng da ka party NDPP.
