Shillong, Naitung 19: Ka jing ai C&RD Block bad Civil Sub Division thymmai ka sorkar MUA-II ka dei beit tang ka biut pynbiet election suda kaba syriem kumba “Ai ia ka ruh thylli kum u Moina”.
Ka seng BJYM jong ka BJP ka ong ba iaki C&RD Block bad Civil Sub-Division thymmai la plie bad pynbna khlem kano kano ka jingpynkhreh naduh iaki staff ki building, ka rukom bate iaki kam ki jam bad jingai jing shakri iaki paidbah.
Kane ka paw shai ba wat iaki District ba la ai naduh u snem 2012 haduh mynta ki kam ki jam kim pat poi shano shano ruh wat ka office ki DC ruh ki dang hap ban shu shong wai, ka fund ruh kim juh ioh thikna.
Kumjuh ruh u Dr.Mukul Sangma u leh shiliang shaba palat u ai scheme bad plie office thymmai tang haki jaka ba u mon ban ai,um juh peit katkum ka jing donkam ba shisha ki paidbah haka jing shsisha ka roi ka par donkam ia baroh khlem peit shilliang khmat iano iano ruh.hynrei kumba long mynta ka rukom ai scheme ne project pynroi pynpar ka noh shilliang shaba palat.u leh katba mon um burom ne khien snep iano iano ruh.
Kumba kalong imat une u briew u shun bha ruh iaka Jaidbynriew Khasi ka paw shai lyngba ka jing bymtreh jongu haduh mynta ban ai laka jong ia ka C&RD Block iaka Mawlai kaba lah mih kyrteng lah slem.hynrei ka sorkar ka ai daw da kumne kumtai ,ka jingshisha hi ka dei ba u Mukul u isih iaka Mawlai namar ba shong shnong tang daki khasi suda.Kumta ki paidbah ki dei ban peit sani bha iaka rukom treikam u ne u briew shano ka jylla kan poi lada dang ai lad haka jing ialam jongu.ka kyrwoh na u Egenstar Kurkalang President BJYM Meghalaya
