Shillong, Lber 10: Ka Confederation of Ri Bhoi People (CoRP) ka pynpaw ba ka jingpyntrei ban maramot ia ka surok na MMR Road sha shnong Nongrim Jirang, Ri Bhoi District ka long torti palat bad katei ka surok tang shu slap ka lah ban pra biang.
Kumta na ka liang ka seng ka kyntu ia u kontraktor bad khamtam ia ka tnat PWD ban peit lem ba ka jingpyntrei kan long kaba shkem na mynta ka jingmyntoi ki paidbah ka thain.
Kum ban pynpaw la iohi ba ka rukom siang rong mynta ia katei ka surok ka stang bha ka iapher haba nujor bad ka rong ba siang mynshwa, kumta kam iskhem satia.
Ha kajuh ka por ka kyntu nalor ban maramot pynbha ia ka surok la donkam ruh ban shna nala ba biang khnang ba lait na ka jingbam ka um ha ka por slap. Kane ka long katkum ka kyrwoh ba la phah da u bah Gershome Hat, Vice President ka CoRP sengkmie.
