Jowai, Naiwieng 17: Ka Jaintia Youth Federation JYF Central Body, hadien ba ka la ioh shibun ki jingujor na ki samla wad kam ba u DC u pynbna ha ki lad pathai khubor ha ka 17th-11-2016 ba ki hap ban download ia ki E-Admit Card jong ki lyngba ka www.westjaintiahills.gov.in/dsc.htm lane da kaba leit mih sha ka office NIC.
Na ka liang ka Seng ka kyntu ia u Deputy Commissioner & Chairman ka DSC west jaintia hills, ba un sngewbha ban phah jingtip da ki jingthoh sha baroh ki candidates kiba applai ia ka Post LDA-cum- Typist khnang ba kin ioh jingtip kaba tikna ban wan sha ka Written Examination ka ban long ha ka 26th November, 2016 kumba ju leh baroh shikatta.
Ka ne ka rukom leh thymmai u Chairman ka DSC da kaba bthah ia baroh ki candidates baroh kan ktah shibun eh ia ki samla applai kam kiba dei na ki thain Nongkyndong ki bym ioh jingtip bad sa kawei ruh dang duna bha hi kiba nang ban download ia kino kino ki jingdonkam lyngba ka internet.
Kumta na ka liang ka JYF ka kyntu ia u Deputy Comissioner jong ka West Jaintia Hills ba un sngewkhia da kaba phah da ki jingthoh kiba long tikna ha ki Address jong ki candidate kiba la dep ai ha ka por ba ki submit lang ia ki form sha ka office u Chairman ka District Selection Committee (DSC).
