New Delhi, Naitung 13: Ka tnat kam poh iing jong ka Sorkar Pdeng ka la kyntu ia ka Central Bureau of Investigation (CBI) ba kan tohkit ia ka rukom khlad ka Rosy Sangma bad u Samuel Sangma.
Kane ka iadei bad ka jingkhlad jong ka Rosy Sangma ha kawei ka hospital ha Gurgaon ha ka 4 tarik u Jylliew mynta u snem hadien ba ka la leit phah sumar ha katei ka jaka. Hadien kane, u Samuel Sangma, uba dei u bahaiing jong ka Rosy Sangma, u la suba ba ka don ka jingleh torti ha ka rukom ai jingsumar ia ka Rosy, u la ia kajia bad ki doctor bad ki nongtrei jong katei ka hospital.
Ha ka sngi kaba bud, kata ha ka 25 tarik u Jylliew, ki pulit jong ka nongbah Delhi ki la ioh jingtip shaphang ka jingkhlad jong u Samuel Sangma ha New Delhi.
Kiba haiing jong kine arngut ki samla ki la kynnoh ba ka Rosy Sangma ka la khlad namar ka jingleh torti ha kane ka hospital. Ki la kynnoh ruh ba ki nongtrei jong kane ka hospital ki la donkti ha ka jingkhlad jong u Samuel Sangma.
