Shillong, Jylliew 3: Ka jingiakynduhlang kaba shi sngi ban ia mir jingmut ha kaba ia dei bad phangpdeng “ Ka jingiatreilang” la pynlong ha Asanang ha West Garo Hills. Kane ka jingiakynduh ka long ban ia mir jingmut kumno ban kyntiew ia ka ioh ka kot da ka jingiatreilang ha ka kamai ka jih.
Ha ka jingkren jong u J D Sangma u joint director ba rimjong ka tand cooperative department u la long u kongsan ha kane ka sngi.Haka jingkren ka jong u la ong ba ka long kaei kaei kaba don kam ban pynrung ha ki briew ia ka mynsiem ia treilang namar ka jingiatrei lang ka kyntiew ia ka jingioh ha ka kamai ka jih.
Kumba ka long mynta na ka liang jong ka sorkar kala wanrah ia ki jingpynkylla ha kaba ia dei bad ki kyndon bad kine ki seng trei lang na ka bynta ban kyntiew ia ka rioh ka kot katkum ka jingthmu jong ka ain Co-operative Act bad ki rule kiba la shna.
Ha ka jingkren jong u A N Sangma ula ong ba ka jingiatreilang ka dei ka bor bad kane ka long ban ia khun pyrshah ia ka jingduk jingkyrduh, u la ong ba u sngewdiaw ban iohi ba ki briew ki kiar na ka jingiatreilang, u la pynshlur ia ki paidbah ban wan sha khmat ban ia treilang bankiew haka ioh ka kot da kaba nuksa ia ki katto katne ki sengtrei lang kiba la kiew ha kane ka thain.
Haka jingkren jong u Industrial Promotion Officer, District Commerce and Industries Centre, u B D Shira, u la batai ia ki jingmuntoi kiba lah ban ioh kiba don bad ka sorkar, kiwei ki heh sorkar kiba la ia don lang hakane ka sngi ki long u Assistant Registrar of Cooperative Societies, West Garo Hills,u A G A Sangma, Animal Husbandry and Veterinary Officer, u V A Sangma, hakane ka sngi la don lang ruh ki khlieh nongsynsahr shnong ki Nokma.
S, Shillong.Ha kane ka sngi la ai burom ruh ia ki nongtrei ASHA jongka Mawkynrew C&RD Block na ka bynta jong u snem 2014-2015 kaba la ioh ia kane ka khusnam ka dei ka kong Tiewlinda Songthiang na Jongksha –B bad ka kong Sitamary Nongrum na ka bynta jong u snem 2015-2016 iaki khusnam la sam da u myntri ka koit ka khiah bad ha dien kane la don ruh ka jingthung dieng.
Kiwei kiba la ia don lang ha kane ka sngi ki long u Bah R. Pyngrope, MLA, kane ka jaka u Bah T. Chyne, MLA, u Bah B. Lyngdoh, MDC, Dr. R. Wankhar, DHS (MI), Dr. M.R. Basaiawmoit, DMHO, East Khasi Hills, Dr. (Mrs) J. B. Ranee, DMCHO, u Bah W.B.Marbaniang, BDO, Mawkynrew C&RD Block, bad u Bah Starling Nongpluh, Sordar jong ka shnong Mawkynrew.
