Shillong, Jymmang 13: U myntri rangbah ka jylla u Dr Mukul Sangma mynta ka sngi u la long u kongsan ha ka jingialehkai kynjatball kaba la pynlong da ka kynhun shipai jong ka Assam Riffle ia kaba la tip kum ka CAPF Under 19 ban wad ia ki rang kynsai ha kane ka kam ia lehkai kynjat ball.
U myntri rangbah u la ong ba u dap da ka jingsngewkmen ban iohi ba ia kum kane ka jingialehkai la pynlong namar kane ka iarap ban lap ia ki rang kynsai kiba don sap ha ki kam ialehkai kynjatball bad kane kan long ka jingmyntoi ia ka jylla ha ki snem ki ban dang wan.
U myntri rangbah u la ong ba ka ka don ka jingkyrmen ba ka jylla Meghalaya kan sa ioh jaka ha ka FIFA hapoh jong ka U-19 jong ka World Cup. U la ong ba kane ka jingia tuid jong ki paidbah ban ia wan peit kai ka long ka shakhi ba ki paidbah ki ieit ia kane ka jingialehkai bad kan kan iarap ban kyntiew bad nang pynbhs shuh shuh ia ka.
Ha kane ka phainal ka jingialehkai ka long ha pdeng ka West Jaintia Hills District Sports Association bad ka St Anthony’s Higher Secondary School, Shillong. Ia kane ka jingialehkai la sdang ha ka shitarik mynta u bnai ha kaba kinongiashim bynta ki long ki kynthei bad ki shynrang. Ia ka bynta kaba ar jong kane ka jingialehkai yn sa sdang ha u bnai Jylliew.
Kiba la ia don lang ki long u myntri kam ialehkai ka sorkar jylla u Zenith M Sangma, u Chief Secretary, u K S Kropha bad ki heh jong ka tand ialehkai jong ka sorkar jylla , ha kaba sdang jong ka jingialehkai u Director General, Assam Rifles, Lt Gen Shokin Chauhan u la ai ia ka jingkren pdiang sngewbha.
