Shillong, Nailur 06: Ka kynhun jong ki seng bhalang na Garo Hills, Williamnagar kaba kynthup ia ka GSU, FAF, Mother’s Federation, AIGU, ICFS bad AYF ha ka jingpynlait khubor jong ki, ki ai ka jingkyrshan ia ka jingiakhih jong ka seng ki nonghikai hapoh jong ka Lama JACATAM ban dawa n aka sorkar ba ka dei ban shimti noh ia ki nonghikai ia kaba la tip kum ka Provincialisation.
Ki seng bhalang na Garo Hills ki pynpaw ia ka jingsngewkhia ka jong ki ha kaba ia dei bad ka jingdawa ki nonghikai bad ki kyntu ia ka sorkar ba ka dei ban sngap ia ka jingeh bad ban ia pynbeit da kaba khot ia kren ia ki namar ka jingiakhih kaba lai sngi jong ki ha u bnai ba la dep kala ktah shibun ia ki khynnah skul.
Ka jingiakhih ba jai jai jong ki nonghikai da kaba shong kyllain mungor kala long kaba jop bad mynta ka shong ruh ha ka sorkar jylla ba ka dei ban khot ia ki sha ka jingiakren bad ban ia pynbeit khnang ba kan nym don kano kano ka jingthut ha kaba ia dei bad ki jingpule jong ki khynnah skul.
