Shillong, Lber 17: U Deputy Commissioner jong ka East Khasi Hills District la pynmih ia ka hukum ba baroh kito kiba don ia ki suloi kiba la don ia ka laisen ba kin leit buh noh sha ki Police Station kiba don ha jan jong ki namar ba la pynbna ia ka elekshon MP sha Lok Sabha.
Katkum ka jingpynbna ka Election Commission jong ka Ri India ba ia ka general elekshon ban jied ia u MP sha Lok Sabha ha kane ka jylla Meghalaya kan long ha ka 19/Iiong /2024 kumta katkum ki kyndon ain la bthah ba kiba don suloi kin leit buhnoh.
kumta katkum kabor kaba la pynkup hapoh ka kyndon 144 CrPC 1972, jong ka kyndon kaba 21(1) da kaba shimlang ia ka kyndon 17(3) (a) bad (b) jong ka Arms Act 1959, la bthah ia baroh kiba don suloi bala ioh laisen kin leit buh noh khlem bakla.
Namar ba ka Model Code kala trei kam kumta, ki dei ban leit buh iaki suloi jong ki ha ki jaka ba don ki pulit kiba jan eh bad ki, kum ki Police Station, Police Outpost, Police Beat House ha kane ka por ba don ka general elekshon MP sha Rajya Sabha.
Lada don kino kino kiba khlem leit ban buh ia ka suloi yn pynshitom hapoh ka kyndon jong ka ain kaba 25, IB(h) hapoh ka bynta jong ka kyndon ain (1) jong ka bynta kaba 21 ba ka jingpynshitom kan long ka jingset phatok shisnem lynter ryngkat ka kumna.
