Shillong, Naiwieng 07: Ki pulit jong ka East Khasi Hills District kila ioh ban kem ia u Shokhomang Lhungdim ba la 40 snem ka rta bad la ngeit ba une u dei u nongshallan ia u drug ha kane ka nongbah Shillong.
Na iing sah jong u Shokhomang ki pulit kila ioh ban kurup haduh 127.77 gram u herion bad ka dor jong u kala kot sha ka T.12,77,700/- tyngka, ia u la kem na Lumbatngen, Law-U-sib bad la ioh ban kurupp haduh 385 tylli ki tin golden kiba la mang ban thep ia u drug.
Kane ka jingioh kem ia un u nongkhaii drug ka long ha dien ba ki pulit kila ioh ban kem ia u Wankmen Susngi na Mawlai Nongpdeng da ka jingiarap lang jong ka dorbar shnong ha ka por ba u dang die ia u herion. Na u la ioh ban kurup hynriew song u drug.
Ha dien ka jingioh kem ia une u samla na Mawlai Nongpdeng la ioh ruh ban kem ia u Hmar Ramengmawia ba shong ha Madanriting bad la ioh pat ban kem ia u Shokomang bad kane ka jingioh kem jong ki pulit kala wanrah ia ka jingjan ban lap ia ki nongkhaii kiba wanrah ia kine ki mar dih buiad sha kane ka nongbah Shillong.
Na ka liang jong ki pulit kiba dei na ka Anti Narcotics Task Force (ANTF) kila ai ka jingkhublei ia ka dorbar shnong Nongpdeng bad ia ka seng samla kaba la ai ka jingkyrshan ban ia khun pyrshah ia kine ki nongleh kam sniew ban die ia kine ki jingdhih pynbuaid.
