Ampati, Iaiong 26: Ki pulit ka jylla Meghalaya kim shym la shong thait ban tohkit ban lap ia ki riew sniew kiba la leh beijot kaba la jia hapoh ka jingpeit ka thanad ba dei peit ki pulit kynthie ha Ampati bad ha kane ka jingtohkit haduh mynta la ioh ban kem 7 ngut ki briew kiba la suba don kti ha kane ka kam runar.
Ha kaba sdang ki pulit kila ioh ban rah ia ki sa wngut ki briew kiba la suba ban tohkit bad ban peit bniah bad ha dien kane mynta ka sngi la ioh ban rah sha lai ngut ki briew kiba la kem ki dei na Teporpara, South Salmara, Mankachar district jong ka jylla Assam kiba sah ha jan ka jaka ba jia.
Ha dien ka jingtohkit ki pulit kila kem ia kitei ki hynniew ngut bad mynta ki don ha kti ki pulit bad ka iing bishar kala ai jingbit san sngi ia ki pulit ban tohkit ia ki bad mynta ki don ha Ampati Police Station bad ka jingtohkit la leh lang ryngkat ki pulit ka jylla Assam bad mynta dang thwet ban kem kiba dang sah.
U Superintendent ki pulit jogn ka South West Garo Hills, u Vikas Kumar ula ai ka jignkular ia ki paidbah ba kila kut jingmut ban kem ia kiba don don katkum ka ain, la ong bay n dang pyntip shuh shuh katba ka jingtohkit ka dang iaid.
