Shillong, Naitung 11: Ia ka jaka sumar bniat hapoh jong ka Ramakrishna Mission Charitable Dispensary kaba la dep ban pynbha mynta la plie mynta ka sngi da u Swami Purnananda, u heh jong ka seng u Ramakrishna Math, Belur Math, na ka jylla West Bengal.
Ha kane ka sngi plie la dong lang ruh u Swami Achyuteshananda, Secretary, Ramakrishna Mission Shillong, u Swami Vedasarananda, Assistant Secretary, ki Doctors bad ki nongtrei ha kane ka dispensary ryngkat ka jingiadon lang ki paidbah ba wan ban phah sumar.
Da ka jinglah ban pyndep ia kane ka jingpynbha ia kane ka jaka sumar bniat ha kane ka dispensary mynta kila don lut ki mashin kiba katkum kane ka juk kaba mynta laong u Swami Vedasarananda.
Haba kren ha kane ka jingialang u Swami Achyuteshananda u la ong ba kane ka jaka ai jingsumar bniat kala ai ka jingshakri khlem da don kano kano ka jingpynthud naduh u snem 1950 ha kaba ym pat don kum kane ka jingsumar ha kane ka jaka. Ia ka jingkren ai khublei laai da u Chetan Maharaj.
