Amlarem Naiwieng 07:Ka Sohkha Shnong Music Club kaba dei kawei na ki club ba bna nam bha ha ki thain War Jaintia ia kaba la sdang ia kane ka club naduh u snem 1969 bad mynta pat kane kane ka club ka la kiew bha lyngba ka jing trei shitom ki nongialam jong kane ka Club haduh ba ka la lah mynta ban plie ia ka Music School Academic ia kaba la wan Plie ia kane ka school da u bah Stephanson Mukhim MLA jong ki.
Ha kane ka sngi Bah Holando Lamin MDC bad ka Kong Isawanda Laloo IAS SDO Civil Amlarem kiba la long kum ki Synbud kongsan , u Bah HR Lanong President SSMC ,u Bah HB Lanong Secretary SSMC, u Bah Lamare Chief Instructor , u Bah Ng Khonglah Founder Member SSMC, ki khynnah skul bad paid nongshong shnong jong kane ka shnong.
U Bah Stephanson Mukhim u ba dei u MLA kane ka thain u la ka jingiaroh shi katdei ia kane ka club kaba la don ka jingthmu ban seng ia kum kane skul kaba lah shisha ban iarap ia ki khun samla kat kum kane ka juk kaba mynta bad u la ong ruh ba ka long kaba sah nam sah burom ha ka history jong kane ka club na bynta jong kane ka sngi bad da kaba u kyntu ruh ia ki khynnah jong kane ka skul kumno ban im ia la ka jingim khnang ba kin lah ban poi ha ka thong jong ka jingim jong ki da kaba u la ai nuksa ruh ia Shillong Chamber Choir, u la ong shuh shuh ruh wat la Ma u um don sap ha ka pud ka tem hynrei un long u ban ia trei lang bad ki ha kano kano ka jingeh kaba ki shem kat ba u lah ei.
Haba kren ha kajingialang u uwei na ki nongialam jong kane ka Club u la ong ba kaei kaba la pynlong ia ki ban seng ia kane ka skul ka long ba lyngba ka jingi jngai jong ki nongialam na ka bynta ki khun samla jong kane ka shnong bad ia ka thain hi baroh kawei khnang ba kin ym ngop ha kine ki jingdih pynbuaid kiba lah ban pynjot ia ka jingim jinglong jong ki khun samla ,ba kin long kiba im akor burom ha ka im lang sah lang bad ruh ba sei ia la ka jong ka sap ha kaba ia dei bad ka put ka tem.
Kiwei kiba la kren ki long ka kong Laloo ha kaba ka la ong ba kane ka Club ka dei ban kyntu ruh ia kine ki khynnah skul jong kane ka skul ba kin bud I ki nuksa jong ki long dien kiba seng ia kane ka Club khnang ba maki ruh kin kiew ha ka teng ka pud ba kan long ruh ka ban pynim ja kpoh ia ki bad ha ka juh. U Bah Lamin u la ai ki jingkren u la ai jingiaroh shi katdei eh ia kane club ka long shisha ka club kaba la wan rah nam ia ka ne ka thain na kawei ka por sha kawei ka por bad na ka bynta ban plie ia kane u la ai ka jingkitbok kit rwiang ia kane ka ka club ba ba kan lah ban sei ia ki khlur ki ban wanrah burom ia kane ka thain lyngba ki khynnah skul kiba pule ha kane ka Music School.
