Tura , Naitung 20: U Ali u nongniah kali ba la rah bor da ki lehnoh hynriew sngi mynshuwa u la lait ha ka sngi saitjian jan miet , la ong ba ki lehnoh kila pynlait ia u ha Dalu ha West Garo Hills da kaba pynmynsaw ia u.
U Ali u dei u nongniah jong kawei ka kali jong u nongkhaii na Assam ha kaba ki lehnoh kila rah bor ia u hynriew sngi mynshuwa . Ki pulit kila ong ba ki lehnoh kila shoh la dat ia u haduh ba u la mynsaw jur bha.
U wei na kiba ha iing u la iathuh ba ki lehnoh kila phone sha ki bad kila ong ba ki dei ban wan shim noh ia u. La suba ba kine ki lehnoh kila dawa pisa na u tei u nongniah kali haduh 10 lak tyngka.
La ong ba na ka liang jong ki lehnoh kila bakla ha kaba ki rah ia u ki dang pyrkhat ba u dei u nongkhaii heh spah bad na ka liang jong u Ali u la pynsngewthuh ia ki ba u dei tang u nongniah kali la ong u para jong u Ali.
Na ka liang jong ki lehnoh kim shym la ngiet ia kaei kaba u ong kila wad jingtip na kiba ha iing ha sem bad ha dien ba kila sngewthuh ba u dei shisha tang u nongniah kali ki sa pynlait noh ia u na ka liang jong ki pulit kila wad ia u hynrie kim shym la lap tad haduh ba ki lehnoh ki la pynlait hi ia u.(SP News)
