Shillong, Naitung 17: Ka Hima Nongkhlaw ryngkat ka tnad Arts and Culture ka sorkar Jylla ka la rakhe burom ia ka sngi iap ba 179 snem u Khlawait ka Ri, u Syiem Tirot Sing uba la len lade ban pha la jingim ban iada ia ka ri na ka jingshah synhar ha ki dohlieh ha kito por ha madan Mot Tirot Sing ha madan Mairang.
Ha kane ka sngi, u Bah S Kharlyngdoh (IAS) Deputy Commissioner, West Khasi Hills kum u Kongsan bad ka Kong Mawsiewdor War Nongbri (MCS), Director Arts and Culture kum symbud Kongsan ki la leit ban buh syntiew ryngkat u Pa’iem PN Syiem, ki Myntri ka Hima bad ki sengbhalang bapher bapher ha u Mot Tirot Sing ha Mairang.
Haba kren u Bah Kharlyngdoh ula ong, ha ki por jong u Tirot Sing Syiem ki shah hiar thma ha ki dohlieh (phareng) katba mynta pat ngi shah hiar thma ia ki bar jylla kiba wan ban bylla ha ka ri baieit jong ngi.
Ka long kaba lyngngoh balei kitei ki bar jylla ki wan tuid ha kane kane ri jongngi la buh jingkylla utei u rangbah.(SP News)
