Shillong, Naiwieng 16: Ki pulit jong ka Mawlai Police station kiba la rah ia u bah Donboklang Rymbai halor ka jingsuba ba u lah ban don kti ha kaba ia dei bad ka jingshah pyniap jong ka kong Rose Mary Mawlong na Sumer, mynta ka sngi kila kem ia u.
Ha dien ba ki pulit kila kem ia u tei u rangbah, kila register mukot duma pyrshah ia u bad pynngad ia u ha ki kyndon ain ba dei bad ki kam pyniap briew, ki pulit mynta kila kynnoh ba u lah ban dei na u ba pyniap ia ka long kmie ka Rose Mary Mawlong.
Ki pulit ha ka 14 tarik mynta u bnai kila lap ia met jong katei ka long kmie na jan Ryndangbriew bad ha kane ka por ba ki lap kim pat tip ia ka kyrteng, da ka jingwan kam jong kiba ha iing la lah ban tip ia ka kyrteng bad haba la tohkit kila ioh ban rah ia u tei u rangbah bad mynta kila kem syndon.
