Shillong, Kyllalyngkot 05: Ka jylla Meghalaya ka long shisha ka jylla kaba la khring ia ki briew na kylleng ka pyrthei ha kaba mynta la sdang ban ring ia kawei ka phlim phareng ia kaba lai kyrteng “Mountain Dews” mynta ka jingring ia kane ka phlim ka dang shusdang ha kine ki sngi.
Mynta ka sngi ha ka por mynstep la ring ia kane ka phlim ha khyndailad bad kane ka bynta kaba la ring ha khyndailad ka long halor u Sohniam tra u bamih na kane ka jylla Meghalaya ha kaba u ator jong kane ka phlim u Tom Allter u la shim ia u soh niamtra na ki ar ngut ki khynnah kiba trywa soh ha katei ka jaka.
Na kiba ring ia kane ka phlim la ong ba bun ki bynta jong kane ka phlim yn ring ha kane ka jylla Meghalaya, khamtam ha kine ki bynta jong ka Ri Khasi. Kane ka phlim kaba lyngkot ka long halor ka jinglong jingman jong kane ka jaka ha kaba ki soh kiba bun jaid ki mih ha kane ka Ri Khasi.
Ha kane por ba ring ia kane ka phlim bun bah ki paidbah kila ia boi sawdong ban peit kai ia ka jingring ia kane ka phlim hapoh kane ka nongbah Shillong.
