Shillong, Nailar 13: Ka jinghikai ia ki thei samla kiba la leit ban ai kyrteng bad ka seng Shillong Fashion Society (SFS) ban ia shim bynta ia ka jingiakop thei bha briew Miss Shillong 2016 ka ban long ha u bnai Risaw u ban wan kala sdang mynta ka sngi ha Tirot Sing Indoor stadium.
Ki thei samla kiba la ai kyrteng ban ia shim bynta ha kane ka jinghikai ki la poi palat ia ka 25 sngut bad mynta ka sngi ka dei ka sngi kaba nyngkong ha kaba kila shah ban hikai ba kumno kin leh ba kin poi sha ka thong ha kane ka jingiakop thei bha briew.
Ha kane ka sngi kala don ka jingthew ia ka jingjrong ka ryngieng ryniot jong ki nongwan ia shim bynta ban shah hikai kala don ka jingbtah ruh ia ki ia ki rule ki ain kiba ia dei bad kane ka jingiakop da ki nongpyniaid jong kane ka seng SFS.
Ha kane ka sngi la don lang ruh ki Model ki ban wan ban shah hikai ki ban long ki nongpynphuh pynphing ha ka sngi ia kop jong ka nam Miss Shillong 2016.
