Shillong, Rymphang 27: U Chief Executive Member jong ka Garo Hills Autonomous District Council u Rakesh A Sangma u la pynthikna ba un resign noh la shai ka sngi ban sngap ia ka jingdawa jong ki paidbah ha Garo Hills.
Ha ka jingialang jong ka Parliamentary jong ki MDC kiba don ha ka liang synshar hapoh jong ka GHADC kila ia thir bha mano ban shimti ia kane ka kam CEM hapoh jong ka GHADC, ha kane ka jingialang la rai ban pynieng ia u Albinush R Marak na Siju Konstitwensi ba long u CEM ba thymmai ha GHADC.
U Deputy CEM jong ka GHADC u Nikman Marak la ong ba ka dei ka jingshisha ba u CEM jong ka GHADC u Rakesh A Sangma un hiar shuki la shai ka sngi bad na ka liang jong ka NPP kala rai ban pynieng ia u Albinush R Marak MDC ka Siju ba un long u kyrtong ban ia khun ia ka ilekshon CEM ha GHADC.
Ha dien ba u Rakesh A Sangma u la shah jied kum u CEM jong ka GHADC kala don ka jingpyrshah na kiba bun seng bhalang bad ki riew paidbah ba u tei u rangbah un long u CEM hapoh jong ka GHADC bad kane ka jingiakhih kala.
Namar ka GHADC kam don ia u Shongknor u CEM u hap ban phah ia ka shithi hair shuki sha u Albinush u dei u Deputy Chairman hapoh jong ka GHADC, da ka jingjied ka NPP ia u Albinush ban long kumu kyrtong CEM, ha ka sngi ban thep nomination ban ia khun ia ka election CEM u hap ban hair shuki.
