Shillong, Nailar 21: ka Joint Action Committee of All Teachers Association of Meghalaya (JACATAM) kan sdang la shai ka sngi ia ka jingiakhih kaba ar taiew lynter ban sangeh hikai ha ki skul adhoc bad deficit skul bad kan kut ha ka 4 tarik jong u Nailur.
Kane ka rai la shim ha ka jingialang paidbah kaba la long ha ka san tarik mynta u bnai bala pynlong ha Madan Iewrynhep, Laitumkhrah, ia kane ka rai la shim na ka daw jong ka jingbym leh ei ei jong ka sorkar halor ka jingdawa kaba kila buh mynta la bun bun snem.
Da kane ka jingiakhih jong ki nonghikai kiba don ha ka ki skul adhoc bad deficit kan ktah shibun ia ki samla pule ha baroh kawei ka jylla namar kine ki nonghikai ki don palat ia ka 14000 ngut ha ka jylla.
Na ka liang jong ki nongialam jong ka seng kila ong ba kila ai por ia ka sorkar jylla ba kan leh ei ei halor ka jingdawa ka jong ki hynrei kam shym leh ei ei bad kane kala pynlong ia ki nonghikai ba kin iaid sha khmat bad ka jingiakhih ka jong ki ba kin sdang la shai ka sngi.
