Shillong, Naiwieng 27: Ka jingthep kyrteng ban ia khun ia ka MDC election shiteng samoi na ki hynniew tylli ki konstitwensi ha ki ar tylli ki iing dorbar jong ki District Council ka KHADC bad ka JHADC kan kut la shai ka sngi por lai baje bad ha dien k alai baje jan don pat ka jingbishar bniah ia ki kot ki sla jong ki kyrtong.
Ha kane ka kynti kaba mynta na ka daw jong ka jinghiar shuki noh jong ki hynniew ngut ki MDC kiba dei ruh ki MLA , ha kane ka kynti ym don MLA ban ia khun ia kane ka MDC. Kiba kham paw kiba la dep ban thep kyrteng ki long u CEM ba rim jong ka KHADC u Bah HS Shylla UDP na Nongkrem.
Na ki MLA kiba la hiar shuki MDC u ba la pynieng iala u jong u khun dei u Bah HDR Lyngdoh myntri kampoh iing na Nongspung- Sohiong Constituency, katba u Bah Sanbor Shullai na Laban-Mawprem u la pynieng iala u jong u ba ha iing.
Na ka liang jong ki seng sian pyrthei kiba la dep ban pynbna ia u kyrtong hynrei kala hap ban weng noh dei tang ka seng Congress, kala weng noh kum ka party ban ia khun ha kane ka MDC election shiteng samoi dei na Laban-Mawprem Constituency, ha kaba u bah Mon Lyngdoh u ba la dep ban pynbna u la hap ban duh tiket na ka seng Congress.
