Shillong, Nailur 14: U shnongknor jong ka iing dorbar thawain ka jylla u AT Mondal, u la pdiang ia ka mat jingiakren bym don jingshaniah shuh ia ka sorkar kaba la ialam da u Dr Mukul Sangma, kaba la wanrah da ki liang pyrshah.
Ha dien ba la pdiang ia kane ka mat jingiakren kaba ym don shuh ka jingshaniah ia kane ka sorkar kaba la lam khmat da u Dr Mukul Sangma, na ka liang jong u shongknor u la pynbna hapoh ka iing dorbar ba ia kane ka phang kin ia kren la shai ka sngi.
Na ka liang jong u shongknor u la pynbna ba kin ia kren ia kane ka mat bym don jingshaniah shuh ha ka por 12 baje, ia kiwei ki kam kiba dei kumba la buh ha ka kalender la pynsangeh lut noh baroh kiba dei naka bynta la shai ka sngi kiba dei ha dien jong ka khat ar baje.
Baroh ki MLA na ka liang pyrshah kiba la ieng hapoh ka iing dorbar ban kyrshan ia ka mat jingiakren bym don jingshahniah shuh ia kane ka sorkar, ki long 14 ngut. Kiba soi ia kane ka mat jingiakren ki long u Bah Ardent Basaiawmoit, Dr Jemino Mawthoh bad u Jammes k Sangma.
