Shillong, Nailar 26: Mano ban jop bad mano ban rem ha kine ki ar tylli ki elekshon shiteng samoi kaba la long South Tura bad Ranikor kan long la shai ka sngi ynda la dep ban niew ia ki but mano ban ioh rah ia u nam tam ban long u nongjop.
Katkum ka jingantad jong kiba bun ba lang kila pynsngew ban a South Tura yn jop u Conrad K Sangma myntri rangbah ka jylla, katba ha Ranikor lada jop mano mano ruh kan long hapdend ki ar ngut ki kyrtong u Martin M Danggo jong ka NPP bad u Bah Pius Marwein jong ka UDP.
Na ka liang jong ka NPP ka kyrmen ba u kyrtong jong ki u Martin M Danggo un jop da kaba suk, hynrei na ka liang jong ka UDP ruh ka kam ba u kyrtong jong ka seng u Bah Pius Marwein yn jop ha kane ka kynti kaba mynta.
Katum ka jingpynsngew jong kiba bun ba lang kila ong ban a Ranikor ka jingjop kan dang leit sha u MLA barim u Martin M Danggo, hynrei ka jingtam but kan nym long shuh kumba ka long ha kane ka elekshon kaba la dep ha kaba u la tam 2001 but ia u kyrtong ka UDP.
