Shillong, Naitung 03: U General Secretary jong ka AICC ba dei peit ia ka jylla Meghalaya U Dr CP Joshi yn poi la shai ka sngi ha nongbah Shillong bad ha ka sngi baa r yn ia kynduh ia ki nongkit kam jong ka party bad ia ki MLA ka seng Congress ha Congress Bhavan bad yn sa leit phai sha Guwahati.
Ki Lad khubor kiba ia jan bad ka seng Congress la ong ba u Dr Joshi un ia kynduh ia ki nongkit kam jong ka seng naduh ki District haduh kinongkit kam ha ka MPCC bad kan don ruh ka jingiakynduh ia ki MLA kaba para marwei ban sngap ia ka jingud ka jong ki.
Kane ka jingwan jong u ka long ba un wan ban sngap ia ki jingeh kaba ki ia kynduh hapoh ka party bad ha dien ba u la dep ban ia kren bad ki nongkit kam jong ka party ha kane ka jylla un rah pat ia ka sur jong u ba bun ba lang sha ka President jong ka AICC ka Sonia Gandhi, namar ka jingdawa ban bujli ia u nongialam jong ka CLP,
Ki thymmei khubor ki iathuh ba kane kan long ka rai ia ka jinglong nongialam jong u Dr Mukul Sangma hapoh jong ka CLP, bun na ki nongialam jong ka seng Congress ki sngap jar halor kane ka jingwan namar kim tip kaei kaban mih na kane ka jingwan jong u general secretary ka AICC namar ia kaei kaba ki pynsngew yn sa rah ha ki bor ba halor jong ka seng Congress ka AICC.
