New Delhi Jymmang 10: Mynta ka sngi u president jong ka Ri India katkum ka bor kabas la pynkup ha u hapoh ka riti synshar jong ka Ri article 222, ha dien ka jingiaphylliew jingmut ba u nongbishar ba ha khliehduh jong ka Ri u la pynmih ia ka hokum ban pynkynriah kam noh ia ki nongbishar jong ki katto katne ki High Court ha ka Ri.
Ia u Justice Tinlianthang Vaiphei, nongbishar jong ka Gauhati High Court, la pynkynriah ia u ban unleit ban shimti noh kum u nongbishar jong ka Tripura High Court bad la bthah ia u ba u dei ban leit ban shimti noh ia kane kam ha lane shuwa ka 23 tarik mynta u bnai.
Ha kane ka juh ka jingpynmih hukum jong u president jong ka Ri, ia u nongbishar jong Delhi High Court u Justice Ved Prakash Vaish, la phah ba un wan long nongbihsar hapoh jong ka Meghalaya High Court bad la bthah ia u ba u dei ban shimti ia kane ka kam ha lane shuwa ka 23 tarik mynta u bnai.
Ia u nongbishar jong ka jong ka Madras High Court u Justice Satish Kumar Agnihotri, la phah ia u ba un leit long noh kum u nongbishar jong ka Sikkim High Court, ia une u nongbishar ruh la bthah ba u dei ban shimti iakane ka kam halane shuwa ka 23 tarik mynta u bnai, kane ka long katkum ka khubor kaba la pynlait da ka tand pathai khubor jong ka sorkar pdeng PIB.
