Shillong, Jylliew 11: U myntri rangbah ka jylla u Dr Mukul Sangma haba kren ha ka jingialang paidbah kaba la long ha madan kynjatball Umkor, Urksew Pynursla stadium ha kaba palat phew hajar ki paidbah kila ia tuid ban peit ia kane ka jingialehkai kynjat ball u la pynbna paidbah ba ia ka surok na Shillong sha Dawki kan long ka surok kaba bha tam namar kane ka surok kan rung sha Bangladesh.
Ha kane ka jingialang paidbah ha kaba u MLA jong kane ka thain u ba long ruh u myntri ha kanen ka sorkar u Bah Prestone Tynsong uba la ia donlang, na ka liang jong u myntri rangbah u la pynbna ba ka sorkar Pynursla kala ioh mynta ia ka Civil Sub Division, ha kaba ki paidbah kila ia risa da ka jingkmen, hynrei u myntri rangbah ym shym la kdew pat lano yn plie ia kane ka Civil Sub Division kaba thymmai.
U Dr Mukul u la ai ka jingiaroh ia kane ka thain Riwar Mih ngi kiba la ieit shisha ia ka jingialehkai kynjat ball bad dei kane ka thain kaba la pynmih ia u Aiborlang Khongjee uba la long u wei na kinongialehkai ba paw ha kane ka Ri India, haba ia dei bad ka dorkhas kaba la aid a ka sport club sha u, na ka liang jong u myntri rangbah u la ong ba ha kane ka dorkhas kila buh shissha ia ki kyntien kiba biang.
U la pynbna ba ia ka Football Mission yn sap lie paidbah kine ki taiew ki ban wan, u la pynshlur ia ki dong ki thain ba ki seng ia ki club ha ki bynta bapher bapher jong ka jylla na ka bynta ban pynlong ia ka jylla Meghalaya ka shelm jong ki nongialehkai kynjat ball ba lada ka India kan ioh ban rung ha ka jingialehkai world Cup ka Meghalaya ka dei ban pynmih ia ki rangialehkai.
