Shillong, Naitung 09: Ka Trade Union Convention , Joint Council jong ka jylla Meghalaya kan ia shim bynta ha ka jingiakhih kaba lai sngi lynter kaban sdang ha ka 27 tarik bad kan kut haduh ka 29 tarik mynta u bnai.
Ia kane ka jingiakhih jong ki la thah ha ki poster ha jingialang kaba la long mynta ka sngi ha State Central Library shillong, nalor kane ka jingthoh la thoh ruh ba ki dawa ba dei ban weng noh ia ka kaiphot SK Mitra kaba ong ban pynduna ia ki nongtrei ha ka Bank.
Kane ka seng jong ki nongtrei ka RRB ki dawa ba dei ban burom ia ka hok jong kinongtrei bad ka sorkar ka dei ban weng noh ia ka RRB Act 2015, kaba la thmu ban pynkylla.
Ha ka jingkren jong u Abdul Sayeed Khar secretary Genenral All India Regional Rural Bank Employees Association (AIRRBEA) u la ong ba ki nongialeh lait luid na ka kti jong ki phareng kim shym la ialeh tang ban lait na ka jingsynsahr ka jong ki hynrei ki ileh ruh ban pynlait luid na ka jingduk.
U la ong ruh ba ka jingiadei mynta ha ka pyrthei ka long beit ka jingiadei halor ka ioh ka kot, bad kane ka long jia wat ha ki long iing long sem ruh kumjuh. Ki khun ha kane ka juk mynta kin burom tang lada lah ban ai lada ym lah kim suie niew.
Ha kane ka jingialang kaba la long mynta ka sngi la jan baroh ki nongtrei jong ka Regional Rural Bank kane ka nongbah Shillong kila iapoi bania shim bynta ha kane ka jingialang.
