Tura, Naitung 11: Ki pulit jong ka jylla Meghalaya kila ioh ban pynpra ia kawei ka ktem jong ki lehnoh GNLA kaba don ha kawei ka shong nongkyndong ha Adugre ha East Garo Hills.
Ki pulit ki kam ba dei ha kane ka jaka ba u nongialam ba rangbah jong ka seng GNLA u Sohan D Shira u don lang. Ha kane ka jingleit khynra kala don ka jingiasiat bad ha ka jingiather kuli u wei u lehnoh u la kyllon iap.
U SP jong ka East Garo Hills u Davies Marak, kane ka jingleit khynra ia kane ka jaka ka long ha dien ba ki la ioh jingtip. Kat haduh ba ioh ia kane kajingtip u la ong ba ia u dkhot ka seng lehnoh ba la shah siat iap ym pat lah ban tip kyrteng. Ki kynhun pulit mynta ki dang don ha katei ka jaka ban thwet ia ki lehnoh.
Ka jingkhynra jong ki bor pulit ia ki lehnoh ha Garo Hills ka dang iai bteng bad ki pulit kin nym ailad ba ki lehnoh kin dang ioh khi khlieh. Dang ha kine ki sngi ki pulit kila ioh ban kem ia ki 9 ngut ki lehnoh jong ka seng ASAK.(SP News)
