Tura, Iaiong 17: U wei u lehnoh na ka seng Garo National Liberation Army (GNLA) mynta ka sngi u la lait phet na Tura Civil Hospital wat hapdeng ka jingap karod jong ki pulit. Une u lehnoh u dei u ba dang shah sumar ha katei ka jaka ai jingsumar jong ka sorkar.
Une u lehnoh u ba la wan rah sha Tura Civil Hospital dei u ba la shah bat bad shah bom ha ki paidbhur ha Salmanpara, ka shnong kaba don ha South West Garo Hills, hynrei mynta ka sngi pat u la lait phet noh na katei ka jaka.
U wei pat u ba la shitom ha kane ka jingshah bom ha ki paidbah ki long u Ringrang A Sangma bad Brijio M Marak. U ba la lait phet dei u Brijio M Marak
U Superintendent ki pulit jong ka South West Garo Hills, U R Muthu u la ong ba kine ki lehnoh GNLA kila leit ha katei ka shnong ban dawa pisa. Na kine ki ba la shah kem ki pulit kila ioh ia ki shithi dawa pisa bad ki dur na ki mobile ba phi shon.(SP News)
