Shillong, Rymphang 24: Ka Khasi Students’ Union Shillong Mihngi Circle hapoh ka jingialam u Samla Sonstar Nongkhlaw u ba dei u President ha ryngkat ka Jingsynran ki Dkhot ka Central Executive Council mytna ka sngi kila lap ba ki bar jylla ki ba don haduh 380 ki ba trei beaiñ khlem ki kot ki sla kiba tikna ha IIM Umsawli.
Hadien ba ka seng kala tohkit bniah ka la shem ba kine ki briew ki la wallam lang ruh ia ka Lok bad ki khun kiba dang rit sha katei ka jaka bylla. Ka jingshim jong ka Seng kum ia kane ka sien jam ka long ban pyntikna ba ka shnong bad ka Ri Khasi kan lait na ka jingwan buhai shnong beaiñ jong ki Bar Jylla ong u Kyrwoh na ka Seng.
Ka seng KSU ka kyndit shisha ban lap ia kine ki briew ryngkat lang bad ki khun ba dang rit ban sah ha kane ka jaka haba ka la tam ruh ka jingbun paid ban ia ki Nong shong shnong jong ka Shnong Umsawli ong u Samla Sonstar Nongkhlaw President Shillong Mihngi.
Ka seng KSU kala kren shai ba kim kwah ban ioh ba kan don ka Colony jong no jong no bad kane ka jaka kam dei ban long ka ktem ba shu wan wir na kano kano ka Jylla kumba long ka Jhalupara, Saw furlong, Jail Road, RR Colony, Laban bad ka Them Iew Mawlong.
Ki Jaitbynriew kahsi haba ki leit bylla ki leit tang marwei bad ynda haba ki lah dep la ka kam ki la wan phai pat Sha la iing bad la ki khun ne ki kmie ki kpa katba kine ki briew ba wan na bar jylla pat ki da wan ialam lang ruh de Ia la ki lok bad ki khun sha ka jaka ba ki trei.
Ka KSU ka kylli hato kane kam dei mo ba ki don da kawei pat ka jingthmu ban wan buhai shnong ha kane ka jaka, namar lehse ki dei ki briew ba shu wan prong tuh na Khappud lah bynrap u Samla Sonstar Nongkhlaw.
Ka KSU ka artatien shisha ia kine ki briew kumno ki ioh ban rung laitlan sha kane ka jaka hato kita ki nongpeit pyrman ha ki Infiltration Check Gate ki ioh thiah mo, Ka KSU kan iai pynjur kum ia kine ki jing khynra ha kylleng ka Bri u Hynniewtrep na bynta ka bha ka miat ka Jaitbynriew.
Ka KSU kala iai ap khmih lynti ia ka MMRSA hynrei ki shu kut tang ha Sekretariat, kila la khmih lynti ba ka Resolution jong ki 60 ngut ki MLA halor ka ILP yn pdiang sngewbha da ka Sorkar kmie hapoh Delhi Phewse kane ruh lah shu sah kut noh shiteng lynti.
Kumta katba ka Sorkar ka dang iai kuman ban pyntreikam ia ka ILP ka KSU ruh ka don la ka jong ka Aiñ ban pyntreikam ha la ka jong ka Ri, ka KSU kam thut ne shun iano iano para bynriew hynrei dei kita ki Nong Shna Aiñ kiba pynlong pat iangi ban long nong shun ha baroh ki liang namar ban I ka Ri pynkut u Kyrwoh.
